Набліжаецца  самае чароўнае  свята – Новы год. Штогод у нашай школе праводзіцца акцыя “Зберажом зялёную ялінку”. Сапраўды, гэта  самае папулярнае мерапрыемства сярод вучняў 1-5 класаў, дзе ўдзельнічаюць амаль усе навучэнцы.

 На выставу былі прадстаўлены ёлкі самага рознага густу. Колькі фантазіі, кемлівасці, працалюбства, цярпення, выдумкі прыйшлося праявіць удзельнікам, здзівіць, уразіць, захапіць сваёй адзінай самай лепшай ёлкай. На выставу былі прадстаўлены вырабы з рознага матэрыялу: пеперы, кардону, тканіны, паветраных шароў, прыроднага матэрыялу, цукерак, пластыліну, нітак, макаронаў, стужак. Як і належыць, ёлкі былі ўпрыгожаны бісерам, пацеркамі, блішчынкамі  і многім іншым.

Хочацца заўважыць, што ёлкі разнастайныя.

Новік Дар’і дапамагаў майстраваць ёлку тата, Руслан Васільевіч, які працуе электрыкам у ААТ "Канстанцінаў Двор",  і таму ёлка мае вельмі прыгожую падсветку.

А вось Іна Вітольдаўна, маці Мішутаў Максіма, Данілы і Лізаветы, не першы раз дапамагае сваім дзеткам у гэтай адказнай справе. Усе вырабы выкананы вельмі акуратна і з густам. Колькі фантазіі, выдумкі!

Вучню другога класа Талкачу Глебу належыць самая салодкая ёлка,  таму што яна зроблена  з цукерак. Напэўна,  такі падарунак марыць атрымаць кожнае дзіця.

Не засталіся ў баку і самыя маленькія навучэнцы нашай школы. На выставу першакласнікі прынеслі  адзінаццаць ёлак. Усіх уразіла ёлка Шарабайкі Дар’і, якая нагадвае маленькае дзіва і сваім хараством не пакінула нікога раўнадушным.

На выставу прадстаўлены і калектыўныя работы  выхаванцаў групы падоўжанага дня і старэйшай групы дзіцячага сада.

Шчыры дзякуй усім, хто прыняў удзел у мерапрыемстве. З надыходзячым Новым годам!

Цырбан А.В., настаўніца пачатковых класаў.