У нашай школе  ўрачыста адсвяткавалі 135-годдзе з дня нараджэння Якуба Коласа.  Вусны часопіс  “Любімы пясняр беларускага народа “  правялі вучні 5-6 класаў. У  ходзе мерапрыемства  былі інсцэніроўкі  з твораў 

Я. Коласа , віктарыны, цікавыя выступленні вучняў пра жыццё і творчасць паэта.

Вучні  7-8 класаў акунуліся  ў цікавы свет  паэмы “Новая зямля”.   Яны праз  віктарыну “ Старажытныя прадметы быту сям’і Міхала”  пазнаёміліся з  абставінамі жыцця   сям’і галоўнага    героя .

Вучні 9-11 класаў   спаборнічалі паміж сабой  у гульні  “ Азбука  твораў  Я.Коласа “  і віктарыне “ Я.Купала і Я.Колас –  славутыя песняры Беларусі”, прысвечаных  юбілею    песняроў.

Самым цікавым  і захапляльным  стаў    конкурс чытальнікаў  твораў Я.Коласа , які праходзіў паміж вучнямі 1- 8 класаў.   Удзельнікі конкурсу  з вялікім  захапленнем  чыталі вершы   паэта.    Праца журы была вельмі клапатлівай і напружанай.