І зноў у чарговы раз па школе разносіўся прыемны пах. Гэта водар Карабоўшчыны.У рамках гэтага праекта

адбылося выхаваўчае мерапрыемства “У гасцях- Этыкет”.

Да вучняў завітала повар школы, Таірава Надзея Валер’еўна. Яна пазнаёміла хлопчыкаў і дзяўчынак са сваёй прафесіяй, якую набывала ў Глыбоцкім прафесійна-тэхнічным ліцэі, а затым у Віцебскім індустрыяльна-педагагічным каледжы, атрымала адукацыю повара, тэхніка-тэхнолага і майстра вытворчага навучання. Повар расказала вучням асноўныя правілы прыгатавання карыснай гарбаты, аб відах гарбаты і яе прызначэнні. Затым Надзея Валер’еўна прадэманстравала заварванне духмянай гарбаты.

“Этыкет” нагадаў вучням пачатковых класаў пра правілы сервіроўкі стала да гарбаты. Дзяўчынкі-гаспадынькі накрылі стол і запрасілі сяброў пачаставацца духмянай гарбатай, адведаць пачастункаў, прыгатаваных сваімі рукамі.

З вясёлым настроем хлопчыкі і дзяўчынкі развіталіся з “Этыкетам”, падзяквалі яму за карысныя веды і выказалі пажаданне сустрэцца з новым госцем.