Ва ўстанове адукацыі прайшлі прадметныя тыдні матэматыкі і хіміі.

Усе мерапрыемствы былі накіраваны на пашырэнне кругагляду навучэнцаў, развіццё кемлівасці, уменне думаць лагічна. Разгадванне рэбусаў, галаваломак, разнастайныя займальныя задачы спрыялі ў займальнай форме развіццю творчага мыслення.

Настаўнікі запрасілі калег на адкрытыя ўрокі і пазакласныя мерапрыемствы. У рамках прадметных тыдняў Асон Людміла Пракопаўна, настаўнік вышэйшай катэгорыі, правяла ўрок у 11 класе па тэме “Бакавая і поўная паверхні піраміды”; Таірава Вольга Уладзіміраўна, настаўнік першай катэгорыі,  урок у 8 класе па тэме “Прамавугольнік. Уласцівасці і прыметы прамавугольніка”, пазакласнае мерапрыемства “Матэматычнае кафэ” для вучняў 8 класа.

Бервячонак Людміла Уладзіміраўна, настаўнік вышэйшай катэгорыі, правяла урок хіміі ў 7 класе па тэме “З’явы фізічныя і хімічныя. Прыметы хімічных рэакцый”. Асон Людміла Пракопаўна і Бервячонак Людміла Уладзіміраўна прапанавалі для вучняў  старэйшых класаў мерапрыемства “Свая гульня”.

Усе ўрокі праведзены на высокім метадычным узроўні з выкарыстаннем актыўных форм і метадаў навучання.

Пасля правядзення прадметных тыдняў у многіх навучэнцаў памянялася стаўленне да вучобы, з'явілася зацікаўленасць ў спазнанні новага, павысілася цікавасць да працэсу навучання. Такія формы працы даюць вялікі эмацыйны зарад, надоўга запамінаюцца дзецям, паляпшаюць паспяховасць па прадмеце, спрыяюць фарміраванню станоўчай матывацыі вучэбнай дзейнасці.