Тыдзень  геаграфіі  ў школе – гэта  паказ дасягненняў вучняў  па прадмету і прапагандзе геаграфічных  ведаў. 

Мэта тыдня: прымяненне ведаў, атрыманых на ўроках геаграфіі; прывіццё навыкаў самаадукацыі, самаўдасканалення;  фарміраванне экалагічнай культуры, выхаванне патрыятычных пачуццяў у вучняў. 

Задачы: прывіваць цікавасць  у навучэнцаў  да геаграфіі; выхоўваць любоў да сваёй Радзімы. 

Першы дзень тыдня пачаўся з тэматычнай лінейкі “Знаёмцеся: планета Зямля”. У ролі навукі “Геаграфія”  выступіла вучаніца 8 класа Семеш Надзея. У канцы лінейкі вучні праспявалі гімн геаграфіі на матыў песні “Глобус”.

У наступныя дні кожны клас паказваў свае веды геаграфічных аб’ектаў карты Свету, уменні хутка і правільна адгадваць геаграфічныя загадкі, даваць азначэнне геаграфічных паняццяў і інш.

         Вельмі ўразіла дзяцей выстава падручнікаў геаграфіі мінулых гадоў. Ім было цікава даведацца, па якіх падручніках вучыліся іх настаўнікі.

              Па выніках праведзеных мерапрыемстваў выдатныя веды па геаграфіі паказалі Аляхновіч Мілана, вучаніца 5 класа, Гражуль Мікіта, вучань 6 класа, Новік Дар’я, вучаніца 7 класа, Семеш Надзея і Шурпік Яўген, вучні 8 класа, Канавалаў Дзмітрый, вучань 10 класа, Федзічкіна Вікторыя, вучаніца 11 класа.