20 студзеня вучні школы мелі магчымасць сустрэцца з выпускніком былых гадоў нашай школы, начальнікам аддзела прызыва Глыбоцкага раённага ваеннага камісарыята – Аляхновічам Аляксандрам Станіслававічам.

Сустрэча мела прафарыентацыйны характар. Аляксандр Станіслававіч пазнаёміў вучняў з асаблівасцямі прафесіі ваеннага, з вучэбнымі ўстановамі Рэспублікі Беларусь, якія рыхтуюць будучых афіцэраў, з алгарытмам дзеянняў абітурыента для паступлення ў ваенныя навучальныя ўстановы Рэспублікі Беларусь і іншых дзяржаў.

У ходзе сустрэчы ўспаміналіся прозвішчы выпускнікоў школы, якія атрымалі прафесію ваеннага, а таксама, якія працягваюць вучыцца: Хоміч Аляксандр, Пучынскі Уладзіслаў.

Аляксандр Станіслававіч выказаў надзею, што Ваенная акадэмія Рэспублікі Беларусь штогод будзе папаўняцца выпускнікамі з Карабоўскай школы, бо няма больш годнай і пачэснай прафесіі, як абараняць сваю Радзіму!