Калядныя дні студзеня – цудоўны час для сустрэчы гасцей. А ў  школе гасцям былі вельмі рады. Да нас завіталі ўдзельнікі раённага метадычнага аб’яднання настаўнікаў 1 класа на чале з кіраўніком Лявонавай Дзіянай Веньямінаўнай і метадыстам аддзела адукацыі, спорту і турызму Глыбоцкага райвыканкама Коц Наталляй Зігфрыдаўнай.  

         Сустракалі гасцей першакласнікі і настаўнік Фёдарава Ганна Станіславаўна. Дзея распачалася ў кабінеце, стылізаваным пад беларускую хатку. Затым гасцінна адчыніла дзверы фітакрама, у якой настаўнікі 2 і 3 класаў Цырбан Алена Васільеўна і Турчыновіч Наталля Віктараўна з вучнямі прэзентавалі праект “Водар Карабоўшчыны”.

 На працягу мерапрыемства дзеці загадвалі загадкі, спявалі прыпеўкі, рэкламавалі гатункі духмянай гарбаты з ліпы і чабору, шыпшыны і мялісы.  А якое ж свята без пірагоў і булачак?!

         Дзякуем гасцям за добрыя словы і шчырыя пажаданні!

         Бывайце здаровы, жывіце багата!

         Да нас прыязджайце – вітаць будзем рады!