Пад такой назвай прайшла цікавая сустрэча з былой актывісткай камсамола Нядбайла Ларысай Дзмітрыеўнай.

   Ларыса Дзмітрыеўна расказала прысутным, якімі справамі жылі камсамольцы, як праводзілі гульню “Зарніца”, ладзілі фестывалі, як з адказнасцю адносіліся да даручэнняў. Юнакі і дзяўчаты з цікавасцю слухалі субяседніцу, якая з гонарам дзялілася сваімі ўспамінамі пра сяброў.

На думку Ларысы Дзмітрыеўны, традыцыі камсамола былых гадоў працягваюцца і зараз. За час сустрэчы субяседніца змагла перадаць прысутным агеньчык цеплыні, маладога зараду, рамантыкі, які і сёння гарыць у яе сэрцы. Колішні сакратар школьнай пярвічкі Канавалаў Дзмітрый ад імя ўсіх прысутных падзякаваў госці і падарыў памятную паштоўку.