На восеньскіх канікулах навучэнцы аб’яднанняў па інтарэсах “Юныя турысты”, “Юныя краязнаўцы”, “Пяць кольцаў” пад кіраўніцтвам педагогаў дадатковай адукацыі: Турчыновіч Н.В., Баран І.Л., Чаронка Л.А. наведалі г. Паставы і вяровачны гарадок “Азёркі”. У час экскурсіі пазнаёміліся з гісторыяй Пастаўскага краю, з цудоўнай прыродай і маляўнічым ландшафтам убачаных мясцін. Асабліва цікавым аказаўся актыўны турызм у вяровачным гарадку “Азёркі”: дзеці смела рухаліся на пераправах нізкага і сярэдняга ўзроўняў, гушкаліся на арэлях, скакалі на батуце, перапраўляліся на тарзанцы, любаваліся на беразе, на пірсе цудоўнага возера лебедзямі, чароўным падводным светам.

     Вельмі ўражваючымі аказаліся: скульптуры, домікі, прыгожыя кампазіцыі з дрэва.

   З добрым настроем і цудоўнымі ўражаннямі вярнуліся дамоў. Усім: і дарослым, і дзейям раім пабываць у тых мясцінах.

                                                                                                                                                             Л.А.Чаронка