У адпаведнасці з Інструктыўна-метадычным пісьмом Міністэрства адукацыі Рэспублікі Беларусь “Асаблівасці арганізацыі выхаваўчай, ідэалагічнай і сацыяльнай работы ва ўстановах агульнай сярэдняй адукацыі ў 2018/2019 навучальным годзе” кожны чацвёрты чацвер месяца для вучняў VIII – XI класаў арганізаваны адзіны дзень інфармавання пад агульным дэвізам “ШАГ” – “Школа Актыўнага Грамадзяніна” – з запрашэннем дзяржаўных і грамадскіх дзеячаў, прадстаўнікоў органаў дзяржаўнага кіравання, дэпутатаў, медыйных персон.

Ёсць людзі, пасля сустрэчы з якімі душа нібы аздараўліваецца. Здаецца, і жыць, і дыхаць становіцца лягчэй. Вось з такім чалавекам і адбылася сустрэча 24 студзеня ў нашай школе. У рамках адзінага дня інфармавання для навучэнцаў 8-11 класаў “ШАГ” адбылася сустрэча з дырэктарам ДСВСУ “Глыбоцкая раённая дзіцяча-юнацкая спартыўная школа” Букам Уладзімірам Гервазавічам.

Цікавае і захапляльнае паведамленне госця пра спартыўную школу, яе навучэнцаў і іх поспехі захапіла слухачоў. Зацікавіла слухачоў і тое, што многія спартсмены школы дабіліся вялікіх вынікаў, сталі ўдзельнікамі і пераможцамі алімпійскіх гульняў і другіх прэстыжных спаборніцтваў. Уладзімір Гервазавіч звярнуў увагу на спартыўныя мерапрыемствы, якія прайшлі ў рэспубліцы на пачатку гэтага года: ХV Калядны міжнародны турнір аматараў хакея на прыз Прэзідэнта Беларусі, ХІІІ Рэспубліканскія спаборніцтвы сярод дзяцей і падлеткаў “Залатая шайба” і майстар-клас, які правялі ігракі НХЛ для ўдзельнікаў “Залатой шайбы”. Нягледзячы на тое, што госць падрабязна расказаў пра работу спартыўнай школы і здаровы лад жыцця, у навучэнцаў узнікла шмат пытанняў, на якія з захапленнем адказаў Уладзімір Гервазавіч.

Кабылінская Іна Аляксееўна, класны кіраўнік 11 класа