Мінулая субота прынесла шмат перажыванняў і прыемных уражанняў для калектыву нашай установы. Спартыўна-мастацкае свята “Глыбоцкая лыжня – 2019” было насычана цікавымі спаборніцтвамі, якія разгарнуліся каля в. Бяглец.

Мерапрыемства сабрала ўсе каманды арганізацый раёна. Гонар нашай установы адукацыі абаранялі вучні 11 класа Канавалаў Дзмітрый і Блышко Лілія, настаўнік фізічнай культуры і здароўя Грынь Аляксандр Мікалаевіч, дырэктар установы адукацыі Стахоўская Алена Эдуардаўна. У выніку – І месца і кубак “Лыжня – 2019” сярод устаноў адукацыі Глыбоцкага раёна.

У індывідуальным заліку па па стральбе намеснік дырэктара па асноўнай дзейнасці Кухто Галіна Анатольеўна атрымала І месца, Канавалаў Дзмітрый – І месца, па гіравому спорту настаўнік фізічнай культуры і здароўя Грынь Аляксандр Мікалаевіч – ІІІ месца.

Маладыя спецыялісты Крывёнак Ганна Мікалаеўна і Лаўрыновіч Вольга Сяргееўна прынялі ўдзел у індывідуальных лыжных гонках сярод маладых спецыялістаў арганізацый раёна.

Намеснік дырэктара па асноўнай дзейнасці Жыдко Алена Пятроўна, педагог сацыяльны Фурс Ала Сяргееўна творча падышлі да вырабу снежнай фігуры, якая мела назву “У чаканні вішнёвага лета”.

Усе ўдзельнікі мерапрыемства атрымалі зарад бадзёрасці і шмат прыемных эмоцый.