Такімі словамі распачалося свята ў навучэнцаў 3-4 класаў у рамках праекта “Водар Карабоўшчыны”. Удзельнікаў мерапрыемства гасцінна сустракала гаспадыня свята, ролю якой выконвала Цырбан Алена Васільеўна.

У госці завітала Зіма (Кухто Дзіяна Леанідаўна), якая пагуляла з дзецьмі ў беларускія народныя гульні ”Дзед Мароз” і “Пазнай прыкмету”. Пасля выканання вучнямі беларускай народнай песні ”Гуканне вясны” на свята з’явілася Вясна (Турчыновіч Наталля Віктараўна). Разам з ёй дзеці вадзілі не толькі карагоды, але разгадалі загадкi пра з'явы зiмовай прыроды, прадметы i рэчы.

Навучэнцаў на школьным двары чакала неспадзяванка … пудзіла. Хлопчыкі і дзяўчынкі з цікавасцю слухалі пра народны звычай, дзе на гуляннях прысутнічае вялікая пудзіла Масленіцы, якая ўвасабляе зіму, якую спальваюць на вогнішчы.

У канцы свята па традыцыі праекта “Водар Карабоўшчыны” ўсе частаваліся блінамі і духмянай гарбатаю.

З кожным мерапрыемствам пачаткоўцы ўсё больш і больш узбагачаюцца духоўна, вучацца шанаваць і беражліва захоўваць звычаі і абрады продкаў, любіць сваю маленькую радзіму набліжацца да каранёў свайго беларускага народа.

                                                                                          Турчыновіч Н.В., Цырбан А.В., настаўнікі пачатковых класаў