Адным з найбольш важных фактараў фарміравання гістарычнага і патрыятычнага выхавання навучэнцаў з’яўляецца краязнаўства. Чым глыбей і змястоўней будуць веды навучэнцаў аб родным краі і яго знакамітых людзях, тым больш яны будуць паважаць традыцыі, культуру свайго народу.                                                          Вызначальная роля настаўніка пачатковых класаў у арганізацыі сістэмнай, асабіста-арыентаванай дзейнасці па засваенні гісторыка-культурнай спадчыны. Дзіця, якое прыйшло  ў першы клас, яшчэ вельмі мала ведае пра краіну, свой край, дзе ён жыве. Дом-дзіцячы сад-панадворак-школа - межы яго светапогляду паступова пашыраюцца, маленькі чалавечак паступова пачынае задаваць усе больш пытанняў. Як важна пачынаючы з першага класа прывіваць ахвоту і імкненне да ведаў, да цікавасці навакольнага асяроддзя.                         

Бацькі, якія прыводзяць сваё дзіця ў першы клас, таксама жадаюць, каб першакласнікі набывалі новыя веды. Кожны назіральны настаўнік ведае, што малодшыя школьнікі вельмі цікаўныя, яны маюць патрэбу ў дадатковым матэрыяле. Гэтую якасць дзіцяці патрэбна падтрымліваць, накіроўваць, развіваць.                                                         Настаўнік пачатковых класаў Ванёнак Валянціна Антонаўна выкарыстоўвае разнастайныя метады і прыёмы па выкарыстанні краязнаўчага матэрыялу на ўроках: складае аўтарскія матэматычныя задачы, вішнёвыя фізкультхвілінкі; для эмацыйнага настрою, напачатку ўрокаў – настаўнік выкарыстоўвае вершы мясцовых аўтараў, для глыбейшага аналізу вынікаў ўрока і правядзення рэфлексіі раённую газету “Веснік Глыбоччыны”.

            Пачатковая школа – падмурак, першапачатковы этап станаўлення пазнавальных, эмацыйных і здзяйсняючых адносін дзяцей да навакольнага асяроддзя.

Першакласнікі – цікаўны і дапытлівы народ. Перад настаўнікам пачатковых класаў пастаўлена задача сфарміраваць асновы грамадзянскай пазіцыі малодшага школьніка праз культуру зносін, камунікатыўныя навыкі, каб кожны імкнуўся аставіць добры след на гэтай зямлі, а не  «наслядзіць».

Адна з найважнейшых задач нашай школы: пачынаючы з І класа прывіваць любоў да Радзімы праз выкарыстанне краязнаўчага матэрыялу на ўроках.

Выкарыстанне краязнаўчага матэрыялу пад час арганізацыі адукацыйнага працэсу садзейнічае фарміраванню ў дзяцей інтарэса да навучання, назірання і ў той жа час дазваляе настаўніку паўней канкрэтызаваць вучэбны план.