Метадычнае пасяджэнне выхавальнікаў групы падоўжанага дня
22 сакавіка на базе Дзяржаўнай установы адукацыі “Карабоўская дзіцячы сад-сярэдняя школа Глыбоцкага раёна імя Р.І. Мацеюна” адбылося метадычнае пасяджэнне выхавальнікаў групы падоўжанага дня.
Група падоўжанага дня ДУА “Карабоўская дзіцячы сад-сярэдняя школа Глыбоцкага раёна імя Р.І. Мацеюна” адкрыта ў мэтах аказання дапамогі сям’і ў навучанні і выхаванні навучэнцаў, а таксама стварэнні спрыяльных умоў для развіцця творчых здольнасцей кожнага вучня.
Прывіталі гасцей настаўнікі і вучні ў рамках праекта “Водар Карабоўшчыны”. Затым удзельнікі метадычнага аб’яднання правялі круглы стол “Віды, формы дасугавай дзейнасці ў ГПД і іх функцыі”. Намеснік дырэктара па асноўнай дзейнасці Кухто Галіна Анатольеўна пазнаёміла прысутных з выхавальнікамі групы падоўжанага дня ўстановы адукацыі.
Выхавальнік групы падоўжанага дня 1-2 класаў Конан-Латышонак Юлія Васільеўна разам са сваімі падапечнымі падрыхтавалі пазакласнае мерапрыемства “У гасцях у вясновых месяцаў”. У мерапрыемстве ўдзельнічалі вучні старэйшых класаў: Рамашка Карына, Крывёнак Сняжана, Нікулін Яўгеній.
Выхавальнік 3-4 класаў Кухта Дзіяна Леанідаўна з’яўляецца кіраўніком аб’яднання па інтарэсах “Чароўныя нажніцы”. Ужо чацвёрты год яна не спыняецца на дасягнутым, разам са сваімі выхаванцамі шукае новыя віды дзейнасці. Такія формы работы, як квілты, квізы, тэхніка “Айрыс фолдзінг” сталі прывычнымі ў групе падоўжанага дня.
Крывёнак Ганна Мікалаеўна – выхавальнік ГПД 5-6 класаў, малады спецыяліст, але дзякуючы стараннасці і працавітасці педагог упэўнена рухаецца толькі наперад, разнастайвае дасугавую дзейнасць навучэнцаў праз розныя віды прагулак на свежым паветры.
Пасля водаратэрапіі прысутныя падзяліліся эмоцыямі, думкамі, абмяняліся нумарамі тэлефонаў. На бярозцы жаданняў кожны змог загадаць тую мару, якая гэтай вясной абавязкова споўніцца. Сустрэча аказалася цёплай, сяброўскай, а самае галоўнае – плённай і карыснай.
Намеснік дырэктара па асноўнай дзейнасці Кухто Г.А.