Сустрэча праходзіла ў цікавым і незвычайным фармаце – “Метадычны мост”. Мэта дадзенай тэмы - абмен ідэямі, вопытам практычнай дзейнасці, абмеркаванне тыповых цяжкасцей у ажыццяўленні адукацыйнага працэсу, вызначэнне шляхоў іх паспяховага вырашэння.  

Вынікам працы Метадычнага маста сталі метадычныя рэкамендацыі па пераадоленні цяжкасцей навучэнцамі засваення новага матэрыялу на ўроках, знаёмства з новымі прыёмамі і метадамі навыкаў і ўменняў падчас ажыццяўлення адукацыйнага працэсу.

Настаўнік гісторыі Шыпіла Алена Аляксандраўна падзялілася прыёмам выкарыстання інтэлектуальных карт на ўроках грамадазнаўства. Кухта Таццяна Віктараўна, настаўнік пачатковых класаў, расказала, як падчас правядзення ўрока па прадмеце “Беларуская мова” выхоўваць у дзяцей павагу да роднага слова, як зацікавіць навучэнцаў да вывучэння і засваення беларускіх слоў.

Настаўнік рускай мовы і літаратуры Дзехцяронак Таццяна Мікалаеўна выступіла з актуальнай тэмай “Выкарыстанне семантычных малюнкаў на ўроках рускай мовы і літаратуры”. Таццяна Мікалаеўна паведаміла, што адным з найбольш важных аспектаў эфектыўнага фарміравання пазнавальнай дзейнасці з'яўляецца ўлік семантыкі вучняў у працэсе пазнання, што адначасова з'яўляецца найбольш істотнай рысай асобасна-арыентаваных падыходаў да навучання. У сувязі з тым, што візуальная сэнсарная сістэма з'яўляецца найбольш хуткаснай у апрацоўцы інфармацыі, мы разгледзелі менавіта яе магчымасці для пабудовы практычных спосабаў уліку семантыкі ў пазнанні школьнікаў. 

Лук’янёнак Алена Уладзіміраўна, настаўнік англійскай мовы, апрабіравала на ўроках замежнай мовы метад “Фішбоун”. Удзельнікі пасяджэння прыйшлі да высновы, што ў працэсе складання "рыбінага шкілета" вучні вучацца працаваць у групе або парах, візуалізуюць прычынна-выніковыя сувязі, развіваюць здольнасць крытычна думаць, вучацца даваць ацэнку з'явам рэчаіснасці.

Метадычны мост – той пераход праз жыццёвую раку настаўніка, дзякуючы якому можна разам працаваць, дзяліцца напрацоўкамі, сустракацца і сябраваць. Педагогі плённа папрацавалі, а гэта значыць, што нічога немагчымага няма. Галоўнае – вера ў сябе, працалюбства і жыццястойкасць. 

Наступная сустрэча паміж педагогамі школ адбудзецца ў лістападзе. Педагогі ДУА "Карабоўская дзіцячы сад-сярэдняя школа Глыбоцкага раёна імя Р.І. Мацеюна" будуць дзяліцца сваім вопытам з педагагічным калектывам ДУА "Сярэдняя школа №3 г. Глыбокае".