Школьнае грамадства, школьнае братэрства, пачуццё разумення і адзінства… Хто з нас не марыць аб гэтым? Кожны з нас хоча жыць і працаваць у такім калектыве. Як ён ствараецца, якімі сіламі падтрымліваецца? Гэтыя пытанні абмяркоўваліся на педагагічным савеце “Школьны калектыў: супрацоўніцтва і сатворчасць”.

У ходзе педагагічнага савета педагогі не толькі пазнаёміліся з тэарэтычнымі аспектамі фарміравання школьнага калектыву, даведаліся аб узаемаадносінах педагога і яго выхаванцаў, пазнаёміліся з вопытам работы класнага кіраўніка 11 класа Кабылінскай І.А.,  прыняли удзел у практычнай частцы педсавета.

Групам педагогаў было прапанавана суаднесці стадыі развіцця калектыву (па А.М. Лутошкіну) з іх апісаннем. У ходзе абмеркавання было выяўлена, што дадзеную тыпалогію можна выкарыстаць у рабоце з класным калектывам з мэтай арганізацыі калектыўнай самаатэстацыі класа, выяўлення ступені задаволенасці вучняў сваім калектывам. Настаўнікамі была выказана думка, што вучнёўскі калектыў “Факел, якія гарыць” – цудоўны ідэал, які ў практыцы сустракаецца вельмі рэдка. Таксама педагогі задумаліся, на якой стадыі развіцця знаходзіцца і педагагічны калектыў школы…

Педагогам было прапанавана назваць 10 найбольш эфектыўных педагагічных тэхналогій выхавання ў рабоце з класным калектывам.