Праект “Карагод талентаў Карабоўшчыны” набірае размах.

           5 красавіка вучні 1-2 класаў сталі ўдзельнікамі яшчэ адной завочнай вандроўкі ў свет рамёстваў.

         Для таго, каб заняцца рамяством, трэба мець пра яго ўяўленне. У ходзе пазнавальна-забаўляльнай праграмы дзеці бліжэй пазнаёміліся з кавальскай і сталярнай справамі. Вучні завочна пабывалі ў кузні і майстэрні сталяра, дзе папоўнілі свой слоўнікавы запас навымі тэрмінамі, “пабачылі” накавальню і горан, вярстак і гэблік, абцугі і нажоўку.

         Не далі сумаваць і ганчару, завіталі ў ганчарную майстэрню. Пачаткоўцы ўспомнілі пра ганчарны круг і адмысловыя вырабы з гліны, распазналі, чым адрозніваецца гладыш ад збанка, даведаліся, для чаго выкарыстоўваюць гляк і спарыш.

         У канцы вандроўкі дзяцей чакаў экзамен! Майстры прапанавалі вучням тэставыя заданні: з чатырох тэрмінаў неабходна было выбраць адзін правільны, які і баў адказам на пытанне. Дзеці прайшлі выпрабаванне на выдатна. Гэта значыць, што тэма іх захапіла, а пачутае было для іх цікавым і пазнавальным.

         Асабліва парадавала тое, што хлопчыкі адчувалі сябе ў час вандроўкі як рыба ў вадзе. Маленькія майстры ведалі шмат назваў інструментаў і іх прызначэнне. Так і хацелася сказаць: “Малайцы, таты! Так трымаць!”. Зразумела, што ў сем’ях бацькі адказна ставяцца да выхавання хлопчыкаў. Спадзяёмся, што з сыноў вырастуць сапраўдныя мужчыны, а тэрмін ”гендарнае выхаванне” ў гэтых сем’ях не застанецца проста модным тэрмінам.