5 - 6 красавіка на базе Глыбоцкай раённай гімназіі праходзіў раённы этап абласнога фестывалю міжкультурных камунікацый.                                  

Фестываль быў арганізаваны ў рамках рэалізацыі Плана мерапрыемства па ўдасканаленні арганізацыі адукацыйнага працэсу па замежнай мове на 2018/2019 навучальны год.

Фестываль праводзіўся з мэтай павышэння матывацыі школьнікаў да вывучэння замежнай мовы і развіцця іх творчых здольнасцей.

Навучэнцы нашай школы прынялі актыўны ўдзел у конкурсе ў намінацыі “Конкурс міні-тэатра.  

Пад кіраўніцтвам настаўніка нямецкай мовы Баран Ірыны Леанідаўны на суд журы была прадстаўлена інсцэніроўка па казцы Джэймса Круса “Гаворачая машына”.

Няпростая задача стаяла перад удзельнікамі конкурсу. Але навучэнцы нашай установы адукацыі прадэманстравалі высокі ўзровень валодання нямецкай мовай, творчы падыход і паказалі выдатнае акцёрскае майстэрства.

Журы конкурса высока ацаніла нашу падрыхтоўку, арыгінальную ідэю, дэкарацыі і касцюмы. І ў выніку калектыў нашай школы атрымаў дыплом ІІ ступені.

У конкурсе прымалі ўдзел вучні:

-         Новік Дар’я (8 клас)

-         Стахоўскі Аляксей (8 клас)

-         Паляніна Марыя (9 клас)

-         Блышко Руслан (9 клас)

-         Белановіч Вікторыя (9 клас)

-         Шурпік Яугеній (9клас)

-         Мішута Даніла (7 клас)

Прыміце нашы віншаванні!