Кажуць, чалавек памірае двойчы: у першы раз падчас біялагічнай смерці, а ў другі раз - калі памірае памяць пра яго. Другі раз паміраць страшней. Мы павінны захоўваць памяць дзесяцігоддзямі, перадаючы з вуснаў у вусны.

Ва ўстанове прайшлі святочныя мерапрыемствы, прысвечаныя 75-ай гадавіне вызвалення Беларусі ад нямецка-фашысцкіх захопнікаў

3 мая ва ўрачыстай абстаноўцы былі ўскладзены вянкі і кветкі на магілы невядомых салдат у вёсках Жураўнёва, Белевічы, Гулідава; да помнікаў загінуўшым землякам у вёсках Карабы ІІ і Зарубіна; да помніка сям’і Счасных у весцы Гінькі.

4 мая адбыўся мітынг каля стэлы загінуўшым салдатам – землякам.

Словы падзякі ў адрас салдатаў-вызваліцеляў за мірнае неба над галавой гучалі ад кіраўніцтва Карабоўскага сельскага выканаўчага камітэта, УП "Канстанцінаў Двор".  Дырэктар установы адукацыі Стахоўская Алена Эдуардаўна  выказала ўпэўненасць, што і вучні, і настаўнікі нашай школы заўсёды будуць з павагай ставіцца да подзвігу савецкага народа, шанаваць памяць тых, хто прынёс мір, спакой, незалежнасць сваёй мужнасцю і гераізмам, перадаваць пра трагічныя старонкі нашай краіны з пакалення ў пакаленне.

      Ва ўстанове адукацыі стала ўжо добрай традыцыяй на мітынгу да Дня Перамогі прымаць вучняў 4 класа ў члены Беларускай рэспубліканскай піянерскай арганізацыі. Так адбылося і сёлета. 9 вучняў далі ўрачыстае абяцанне шчыра любіць і шанаваць сваю Радзіму, быць прыкладам для малодшых школьнікаў. З гэтым іх павіншаваў класны кіраўнік Турчыновіч Наталля Віктараўна.

У канцы мітынгу вучні ўсклалі гірлянду, вянкі і кветкі да стэлы.

Працягам святочнага дня стаў святочны канцэрт "Дзень Перамогі".

Напярэдадні  Дня Перамогі навучэнцы 5 і 11 класаў наведалі былога малалетняга вязня канцлагера Федаравіча Рыгора Міхайлавіча. Дзеці падрыхтавалі для яго вершы і падарункі.

                                                            Намеснік дырэктара па асноўнай дзейнасці                     А.П. Жыдко