То чорны, то белы, то колер ружовы…

Здзіўляюць, уражваюць, вабяць узоры!

Шчыруюць руплівыя рукі ад ранку:

Укладае жанчына душу ў вышыванку

         21 мая вучні 1-2 класаў шчыра віталі госцю – жыхарку вёскі Гулідава, майстра па вышыўцы Татарыну Зінаіду Мікалаеўну. Сустрэча адбылася ў межах праекта “Народныя ўмельцы Карабоўшчыны”. Залу і сцэну ўпрыгожылі вышыванкі жыхароў Карабоўшчыны і вучняў школы.

         Зінаіда Уладзіміраўна вельмі цікава распавяла ўдзельнікам праекта і гасцям пра гісторыю захаплення вышыўкай, падзялілася сакрэтамі майстэрства, нават прывезла ў падарунак свае першыя работы. Яна расказала, што пачала вышываць у пяцігадовым узросце, як толькі навучылася трымаць іголку, і вышывае да цяперашняга часу. Госця падрыхтавала дзецям падарункі – асновы для новых вышыванак.

         Пачаткоўцы дарылі госці песні, частушкі, чыталі вершы і нават танчылі. Напрыканцы сустрэчы ўдзельнікі праекта частавалі Зінаіду Уладзіміраўну духмянай гарбатай і ласункамі, а госця расказвала пра дзяцінства ( Зінаіда Уладзіміраўна нарадзілася ў 1942 годзе), пра любімыя колеры і ўзоры,заахвоціла дзетак да вышыўкі.

Спадзяёмся, што чарговая сустрэча з прыветнай і цікавай госцяй, як і запланавалі, адбудзецца. А дзеці пажадалі Зінаідзе Уладзіміраўне моцнага здароўя і творчага поспеху.