У рамках акцый «Я гэты край Радзімаю заву», «Збяры Беларусь у сваім сэрцы» вучні нашай школы 26 верасня наведалі раённую бібліятэку сямейнага чытання і паўдзельнічалі ў праграме “Бібліяноч-2019”. Вельмі цікавымі аказаліся наступныя мерапрыемствы: арт-пляцоўка з майстар-класамі, фотазона, літаратурная кавярня, інтэрактыўныя гульні, выстава «Есть тайны и у книг», “Перыядычная табліца літаратуры”, спектакль Л. Радзевіч “Конскі партрэт” і інш.

         Вучаніца 10 класа Белановіч Вікторыя прыняла ўдзел у Чэмпіянаце па чытанню ўслых. Яна узнагароджана дыпломам ІІ ступені і атрымала падарункі. Таксама Вікторыя выступіла перад прысутнымі ў рамках краязнаўчага пазлу “Пазнай свой край” са сваёй даследчай працай “Радзінны і хрэсьбінны абрады на Карабоўшчыне”.

       Усе мерапрыемствы вельмі цікавыя, змястоўныя і павучальныя. Вялікая падзяка супрацоўнікам бібліятэкі за арганізацыю і запрашэнне да ўдзелу. Жадаем ім плёну ў працы і далейшых поспехаў.

                                                                                                                       Настаўнік гісторыі   Чаронка Л.А.