Наша родная беларуская прырода … Якое хараство навокал! Таленавітаму, уважліваму, кемліваму, творчаму чалавеку яна, прырода, дае натхненне для творчасці і развіцця сваіх здольнасцей. На вучэбным занятку ”Працоўнае навучанне” пачаткоўцы 3 і 4 класаў з захапленнем разглядалі прынесены да ўрока мясцовы прыродны матэрыял, абмяркоўвалі, як найлепш аформіць прыдуманую кампазіцыю, як зрабіць яе незвычайнай і непаўторнай. Класны пакой адразу напоўніўся прыемнымі пахамі лясоў, палёў, балот, садоў. Нехта прапанаваў выкарыстаць духмяныя расліны з праекта “Водар Карабоўшчыны”. Так з’явіліся настольныя кампазіцыі ”Шыпшынавы агеньчык”, “Мятны шык”, “Рамонкавае поле”, “Душа-душыца”, “Чабарок-барок”, “Мялісавы пах” і іншыя.

Невычарпальная кладоўка – Восень. Залатая пара адорвае нас новымі ўраджаннямі, пачуццямі. І, хто ведае, мабыць, гэты непрыкметны лісцік-карунчык будзе самым галоўным элементам у новай дзіцячай кампазіцыйнай задумцы.

                                                                                         Цырбан А.В., настаўніца пачатковых класаў