Так вызначылі мэту падарожжа вучні і настаўнікі ДУА “Карабоўская дзіцячы сад-сярэдняя школа Глыбоцкага раёна імя Р.І.Мацеюна”. 25-26 красавіка намеснікам дырэктара па асноўнай дзейнасці Жыдко Аленай Пятроўнай, ксяндзом Аляксеем Асонам была арганізавана экскурсія ў Літву.

Мы наведалі Вільню, сучасную сталіцу Рэспублікі Літва, і пазнаёміліся з архітэктурнымі помнікамі XІV   - XVІ cтст. сталіцы ВКЛ: пабывалі каля вежы Гедыміна, на жаль, захаваліся рэшткі былога замка, але нават вежа ўражвае сваёй веліччу. Паблукалі старымі брукаванымі вулкамі, зазірнулі ў двары будынкаў Віленскага ўніверсітэта. Вельмі цікава, што сярэдневяковыя пабудовы ў гэтай краіне вельмі дакладна і старанна рэстаўрыруюцца  з улікам асаблівасцей стыляў і матэрыялаў таго часу. Віленскае барока вельмі прыгожа праяўляецца ў свецкай архітэктуры і асабліва ў культавай. 40 храмаў налічваецца ў гэтым горадзе. Многія адноўлены, некаторыя яшчэ ў працэсе аднаўлення. Пра ўсё гэта нам цікава паведаміў экскурсавод Сяргей Русецкі.

Усім сэрцам мы змаглі адчуць подых гісторыі. Успомнілі Кастуся Каліноўскага, Янку Купалу і “Нашу ніву”, наведалі музей Адама Міцкевіча.

На наступны дзень мы паехалі ў Тракай, прагуляліся па плошчы Гедыміна, набярэжнай Нёмана, наведалі княжацкі замак, які знаходзіцца на востраве.

Асабліва цікавым аказаўся майстар-клас у шакаладнай мануфактуры: дзеці і дарослыя змаглі прыгатаваць цукеркі, атрымаць салодкія прызы за прыгажэйшыя шакаладныя ласункі і за ўдзел у віктарыне.

Потым мы наведалі Каўнас або Коўна (у Сярэднявеччы), гэта была сталіца Літвы з 1918 па 1940 гады. Прыгожа і прыемна было прагуляцца па алеі Незалежнасці. Таксама дзеці змаглі адпачыць на лядовым катку і адпачыць.

Шкада, што вельмі  хутка праляцеў час і трэба было вяртацца дадому. Мы чакаем новых цікавых падарожжаў і сустрэч з даўнімі старонкамі гісторыі.

Барыла Інга, вучаніца 10 класа