У рамках праекта ”ШАГ“ 25 верасня 2025 года адбыўся адкрыты дыялог на тэму ”Быць сапраўдным грамадзянінам – значыць дэманстраваць адданасць сваёй Радзіме“.

      Кіраўнік па ваенна-патрыятычнаму выхаванню Аляхновіч Аляксандр Станіслававіч падрабязна растлумачыў, у чым заключаюцца паняцці: ”грамадзянства“, ”грамадзянін“, якую ролю ў жыцці грамадзяніна РБ мае пашпарт; засяродзіў увагу на дзяржаўных сімвалах краіны.

     Вучні 8-11 класаў былі захоплены абмеркаваннем тэмы. Яны актыўна разважалі, падтрымлівалі дыялог. Зразумела ўсім, што дзяржаўныя, грамадзянскія сімвалы  абумоўлены гістарычнымі падзеямі, якія перажыў наш народ.

     Вучні таксама актыўна задавалі пытанні кіраўніку, цікавіліся,  у чым заключаецца яго актыўная грамадзянская пазіцыя, як грамадзянін можа ўплываць на прыняцце рашэнняў на мясцовым і дзяржаўным узроўнях, як можна ў сабе развіць адказнасць за ўчынкі і лёс краіны і т.д.

     Зразумела, што такія сустрэчы з’яўляюцца карыснымі ўсім, умацоўваюць нашу грамадзянскую пазіцыю і адказнасць за жыццё народа, за лёс Беларусі.