Адкрыты дыялог ”Афганістан баліць у душы маёй“

          Пад такой назвай 28-га кастрычніка ва ўстанове адукацыі ”Карабоўская сярэдняя школа Глыбоцкага раёна імя Р.І.Мацеюна“ адбылася  сустрэча з  воінам-інтэрнацыяналістам, гвардыі падпалкоўнікам запасу Мацеюном Артурам Іосіфавічам.

          Сустрэча прайшла хвалююча як для вучняў школы, так і для Артура Іосіфавіча, бо школа  з гонарам носіць імя яго роднага брата- Мацеюна Рамана Іосіфавіча, які загінуў 21 кастрычніка 1987 года, выконваючы свой абавязак воіна- інтэрнацыяналіста.

          Школьнікі слухалі з вялікай цікавасцю расказ Артура Іосіфавіча, задавалі пытанні, якія іх хвалявалі. Падчас размовы была закранута тэма патрыятызма, любві да Радзімы і вернасці  вайсковаму абавязку.

          Развітваючыся са старшакласнікамі, Артур Іосіфавіч  даў нам наказ маладому пакаленню нашай Радзімы: любіць родную зямлю, ганарыцца Беларуссю, так як яна – краіна міру і стваральнай працы!