“Я люблю цябе, Беларусь!” - так называлася выхаваўчае мерапрыемства, якое прайшло 10 лютага ў пачатковых класах. Малодшыя школьнікі ў завочнай форме пазнаёміліся з паходжаннем назваў абласных цэнтраў нашай краіны. Таксама даведаліся пра сучаснае жыццё Мінска, Магілёва, Гродна, Гомеля, Віцебска, Брэста. Вучні ўзнавілі і папоўнілі веды пра гераічнае мінулае гарадоў, прысвяцілі вершы сваёй Радзіме.
На кожным перапынку хлопчыкі і дзяўчынкі з задавальненнем выконвалі цікавыя заданні. Яны рашалі рэбусы, у якіх схаваліся назвы беларускіх гарадоў. А ў назвах саміх гарадоў вучні адшуквалі беларускія імёны. Цікава было разгадаць загадкі пра прылады працы і прадметы побыту нашых продкаў. Гульня “Знайдзі пару” вымушала дзяцей адшукаць пачатак і заканчэнне прыказкі.
Падарожжа закончылася вясёлым флэш-мопам пад сучасную мелодыю “Я люблю цябе, Беларусь!” Вучні танчылі разам з настаўнікамі, радаваліся за сваю Радзіму.
